الشط والنيل
الشط كان مليان نخيل
والبط كان بيعوم ف نيل
والقمر فانوس ف ليل
شمس الشموس نورها دليل
بقت الفلوس فينا بديل
وقطعوا كل النخيل
والف عذر و100دليل
الفكرة كام مليون دخيل
والسترة ايه ندل وعميل
الشط فين والبط دين
والنخل طين والنيل حزين
مصر البهية صابتها عين
طلعوا على مقام الحسين
قال يكنسوه طب ربه فين
بس اعبدوه ووحدوه يا خلق شين
تمسح دموعها امكم بمنديلين
ويخف ربى حملكم مش الحسين
مصطفى قمر
ليست هناك تعليقات:
إرسال تعليق