أنا ليكى
ـــــــــــــــــ
عشقت عيونك النايمه ف ليل صحوى
وشدو امواجك الراسيه على شطوطى
وضحكه بالرضا تطرح سنابل مايله على عودى
عشفتك وانتى بالكلمه ف ساعة حب بتجودى
عشقتك فى بنات الحى غزاله شارده ف الوادى
انا ليكى
انا ليكى ومش عارف اذا كنتى صحيح لييه
انا ليكى وتطرحلك سنابل عودى حنيه
هاقوللك ايه واعيدلك ايه
تجيش نقعد ف ضل التوته نتذكر
تقوليلى كما الماضى كلامك لحلى م السكر
تغنينى على لسانك على حجرك انام واسكر
واشوف الماضى من بكره
وساعة الضهر نتغدى رغيف اسمر وملحايه وعود خضره
واقوم م الترعه اتوضى
ع سدرك كات مشائلله وف رقبتك ريال فضه
كانت امى زمان شايلاه
يجيب الحظ ويخفف الم خضه
ولما يرن خلخالك
يدق القلب ع الخطوه
اخاف من بكره ليجينى شايل كفنى
ونبقى حكايه كات ماضى
ساعتها البسمه ماتشوفنى ولا بغيرك هاكون راضى
ولا الضحكه تطاوع قلبى ف غيابك
لكن لامتا ياروح الروح هابات سهران على بابك
اناجى الفجر ف طلوعه يكون لى من لقاكى نصيب
يودى القلب ف غرامك كتير ويجيب
جروح الناس لها ساعه وانا جرحى آلامه تغيب
ماتشفى يوم ولا بتطيب ف احزانك
ف معزوفه حزينه تقولها الحانك
نفسى تحضن شمسك ضلاية غيومى
تحبل الدنيا وتولد يومى
تقابلينى ...
لقاكى لى كالترياق لقلب ف بعده كان مسموم
ترد الروح مع الاشواق وتتبدل هنى بهموم
يرفرف قلبى م الفرحه كفرحة عيده بعد الصوم
على دا الحال يكون حالى
أمد الآه تكون مرسال واغنيلك مواويلى
وأكتبلك على ضى القمر غنوه
تغنيها بترتيلك على قبرى
اذا كان الفراق لى آخر صبرى
المعتصم بالله المصرى
ـــــــــــــــــ
عشقت عيونك النايمه ف ليل صحوى
وشدو امواجك الراسيه على شطوطى
وضحكه بالرضا تطرح سنابل مايله على عودى
عشفتك وانتى بالكلمه ف ساعة حب بتجودى
عشقتك فى بنات الحى غزاله شارده ف الوادى
انا ليكى
انا ليكى ومش عارف اذا كنتى صحيح لييه
انا ليكى وتطرحلك سنابل عودى حنيه
هاقوللك ايه واعيدلك ايه
تجيش نقعد ف ضل التوته نتذكر
تقوليلى كما الماضى كلامك لحلى م السكر
تغنينى على لسانك على حجرك انام واسكر
واشوف الماضى من بكره
وساعة الضهر نتغدى رغيف اسمر وملحايه وعود خضره
واقوم م الترعه اتوضى
ع سدرك كات مشائلله وف رقبتك ريال فضه
كانت امى زمان شايلاه
يجيب الحظ ويخفف الم خضه
ولما يرن خلخالك
يدق القلب ع الخطوه
اخاف من بكره ليجينى شايل كفنى
ونبقى حكايه كات ماضى
ساعتها البسمه ماتشوفنى ولا بغيرك هاكون راضى
ولا الضحكه تطاوع قلبى ف غيابك
لكن لامتا ياروح الروح هابات سهران على بابك
اناجى الفجر ف طلوعه يكون لى من لقاكى نصيب
يودى القلب ف غرامك كتير ويجيب
جروح الناس لها ساعه وانا جرحى آلامه تغيب
ماتشفى يوم ولا بتطيب ف احزانك
ف معزوفه حزينه تقولها الحانك
نفسى تحضن شمسك ضلاية غيومى
تحبل الدنيا وتولد يومى
تقابلينى ...
لقاكى لى كالترياق لقلب ف بعده كان مسموم
ترد الروح مع الاشواق وتتبدل هنى بهموم
يرفرف قلبى م الفرحه كفرحة عيده بعد الصوم
على دا الحال يكون حالى
أمد الآه تكون مرسال واغنيلك مواويلى
وأكتبلك على ضى القمر غنوه
تغنيها بترتيلك على قبرى
اذا كان الفراق لى آخر صبرى
المعتصم بالله المصرى
ليست هناك تعليقات:
إرسال تعليق