النهاية . بقلم المبدع // محمود عبد الخالق عطيه

..............................النهاية..............................
ما خلاص أتيتي يانهاية
ياواصلة ذيولك ببداية
بعد القمر مابان شقه
رسمتي طريقك بعناية
الخاين فينا بيتأمن
وأمينا منعوت برماية
الباطل زبده بيتكلم
والحق من صمته حكاية
ورويضة ظاهر في محافل
ومشايخ محتاجة رباية
كداب وبنصدق كدبه
وصادق مغمور في أناية
وواطي ساكن في معالي
وعالي تنهشه حداية
القط فيك يازمن غابر
الفار بيعمله دعاية
يابنية ماشية بتتمخطر
سلبتي من ميمي حماية
خلاص ماعاد فينا الاحمر
والعري بان جوا عباية
وباغي علينا بيتشطر
وقاضي يحكم بوشاية
وميزو قال أنا المهدي
طريقي مرصوف وهداية
لرقص فيفي بنصدر
والعهر على دينا وصاية
يالبوة دينا بريئ واطهر
يالئيمة تحت الكناية
عدنان سمومه بتتسطر
من كفره قصة ورواية
والبنا مقاله الأخطر
السنة أكاذيب ووشاية
أمريكا والغرب اتحدوا
حطونا جوه الغلاية
يافتنة قامت من نومها
أخذت قلوبنا في سهراية
الحكم ولى أوان غصبه
سامعين نداكي ياولاية
البركة قلت في زمانا
وسمعنا من الكل شكاية
والقتل عم في ديارنا
والعزف بقى اسمه هواية
والسكر عايم في بلادنا
والعهر مكشوف كمراية
يادابة فين منا كلامك
يا أنيس يقينا ورعاية
ياغوطة يا شاغلة راياتك
ياناصبة للعدا سلاية
ياحلوة حالفين بحياتك
نصرك أمان وكفاية
ياعراقنا ولت خيراتك
يا قلوب لخرابك بكاية
ياشامنا أفلت أناديلك
من غدر عصابة وسعاية
ياقدس أذهلنا صمودك
يافاضحة حكام ونكاية
يامصر أتاكي موعودك
منعت قمحك يامنايا
ياصهاينة زرعتوا غرقدكوا
للبأس وضراب وخباية
علاكوا رديف افسادكوا
نعت عليكوا النعاية
جاثوا عبادنا المبعوثة
لسوء وجوهكم فلاية
خلاص أتيتي ياملاحم
لهرمجدون البراية
الكون موازينه اتقلبت
انسكبت لأعلى الكوباية
الشمس طلعت من المغرب
بردت خلاص الدفاية
الكل ثابت على حاله
الجهل بيساوي دراية
يارب لحزبك ودينا
نورك يارب لينا شفاية
بقلمي | محمود عبد الخالق عطيه المحامي