وادى حال الدنيا . بقلم المبدع // عادل شعبان

حقوق النشر محفوظة 
------------؛
وادى حال الدنيا 
-------------؛
اه عليكى يا دنيا 
و اه من الأيام 
تضحك لها تضحك لك 
تكشر. . تزيد ألام 
وتجيب اللى قدام ورا 
واللى ورا .. قدام 
وضاع فيها .. الحيا 
والطيب بقى يتلام 
وناس على قفا .. ناس 
تعلا. .. غنا. .. ومقام 
والندل بقى 
سيد الناس 
ما خلاص 
ع الدنيا السلام 
----؛
وادى حال الدنيا 
وادى حال الناس 
لو اتفقرت. . ف ثانية 
ما تلاقى جنبك ناس 
لو معاك فلوس 
حبايبك تبقى كتير 
وتتغير. . النفوس 
لو تصبح يوم فقير 
كلب الملك مات 
الدنيا طلعت وراه 
ولما الملك مات 
ما حدش خد عزاه 
الصحة تاج ع الراس 
م الآخر و المختصر 
مايهمك كلام الناس 
هى كدة البشر 
وادى حال الدنيا 
وادى حال الناس 
لو اتفقرت ف ثانية 
ما تلاقى جنبك ناس 
-----------؛ 
بقلم / عادل شعبان