سجين يتذكر. بقلم المبدع // إبراهيم فاضل

إبراهيم فاضل
الآن · 
سجين يتذكر
بالعامية المصرية
الشاعر / إبراهيم فاضل
=================================
وبيقولولي وبيقولولي
يسار ويمين
واللطم ع الخدين
والركل بالرجلين
ولقيتني متدور
ومتكور ومتعور
وسايل مني الدم
أنهار لو تتلم
تروي أراضينا
ولمَّا قلت الآه
الدنيا لفت بي
صوت الفيران بيقول
إصحي يامسجون
أنا ونيسك قوم
قوم وسمعني
قوللي حكايتك إيه ؟
قوللي حكايتك إيه ؟
أنا بحبك بدون أسباب
وباشتاق لك بدون أسباب
يا روح الروح يا شمساية
وقمراية
وضلاية
ونسمايه في ساعة الشدة
سلام ليكي 
ولوعادت ساعات الشدة من تاني ها افديكي
يا وردة صابحة ما تدبلش
يا حبيبتي
على الشفايف بتتردد
وفي القلوب صدى حبك
بيجلجل في غور الروح
سبيني في حضنك اتدفي بحنانك
يا صوت الفجر 
يا عشيقتي
وحبيبتي
جذور النور بتحميكي
أموت واقف على بابك
وأجمل ضحكة في عنيكي
===================================
بقلمي / إبراهيم فاضل
===================================