غير المطار ..بقلم المبدع // محمود مسعود

غير المطار ........
ـــــــــــــــــــــــــــــــــــــ
بعد طول انتظار
في أرض مطار العمر
وسنينه اللي بتجري
كأنه رهوان باختصار
اللي جاي ضل الطريق
والطيران أصبح غريق
في أوهام صنعناها
قالك في قلبك أصبح حريق
انسي اللي كان يوم فوتناها
الدموع احضنها وكمان وياها
أحلام من زمان نسيناها
وسيبك م اللي جاي
قبل ماتشوفه ودعه
وعلي نغمة باي باي
ابلع مرارك في انكسار
وقول لقلبك يادي العمار
اللي ساكن جواه
آمن بيه ده دواه
وماتنساش كوباية الشاي
وما ترميش حمولك علي كلمة أه
كمل بإيدك مبتغاه
دا مافيش حد يشيل آساه
في الدنيا ديه ياولداه
احفر بإيدك
دا مش حيفيدك
بكا الأطلال
أو غني الموال
ياعم سيبك من قلنا وقال
دا مش حيصيبك غير نصيبك
في عز تبديل الأحوال
النهاردة عدي وبكره
علي خالق الأحوال
دا بيرزق الدوده في قلب الحجر
والنملة تسعي ع الأرض وفوق الشجر
غير مطار الانتظار
وبدل همومك بالاستغفار
كام من مصيبة جعلها تغير المسار
المطار عاوز قرار
الجد في العمل مهما كانت الأعذار
وبلاش التكاسل خليك مغوار
بس لازم تغير المطار
ـــــــــــــــــــــــــــــــــــــــــــــــــــــــــــــــــــــ
بقلمي / محمود مسعود ( عامية ) 6/2/2018م