ياللى سامع
__________________
ياللى سامع
ياللى سامعة
اعرفوا حق الجيران
فى المحبة
فى المودة
فى التسامح والأمان
جار فى رحلة
واللا مهنة
واللا جارك فى المكان
ابتسامتك ليه
بترسم
ورد ضاحك فى الزمان
والسؤال فى الشدة عنه
أو وقوفك جنب منه
يمحى احساس الهوان
مد إيدك
خد بإيده
واصنعوا أجمل كيان
أنت تفرح
هو يفرح
والثواب يملا الميزان
ياللى سامع
ياللى سامعة
اعرفوا حق الجيران
___________________
ربنا خلق الحياة
والبشر لاجل العبادة
والنصيحة بحب تصنع
فى القلوب أجمل سعادة
والزمان يصبح ربيع
والأمل ويا الجميع
والمحبة نلقى خيرها
عمره ما يفكر يضيع
والغصون تطرح زهور
والحنان يملا البيوت
والبلابل والطيور
صوتها ما يعرف سكوت
نهزم الأحزان بجد
نرسم الأفراح سنين
للعزيمة صوت ويد
للنجاح صوت الحنين
يا بن عمى
يا بن خالى
بلاش تقول
مالك ومالى
دى الحياة لينا امتحان
ياللى سامع
ياللى سامعة
اعرفوا حق الجيران
_____________________
شعر /محمد الشرقاوى
ليست هناك تعليقات:
إرسال تعليق