.مدرستي . بقلم المبدع // أحمد الناصري

........مدرستي.......

الواقع وبيه حكايتي
على معلمي ومدرستي
زمان كان العسل ف الكلخ...
.....
فيها تربيت وبديت حياتي
مع شكارتي وكتوبة و غذاتي
وهدفي العلم نعمر بيه المخ....
.....
تسجلت والطابلية من بدلاتي
والصفارة جرس وليها تصناتي
والراس عندي مافيه وسخ...
.....
صباح الخير اول كلماتي
والنشيد الوطني مع اساتذاتي
والضاصر فينا ليه يسلخ...
......
ندخل لقسمي ونمشي لطاولتي
وعيني على أدواتي
وعل المداد المعلم ف وجوهنا يصرخ...
.....
رزين وبلساني كان سكاتي
والقراية ساهلة دخلت لذاتي
والعابي هرستهم شلخ...
.....
راسي للعراضة عالي ف سماتي
والعقوبة ما نكتبها بعصاتي
وللتحمال ما لصباطي نفسخ....
.....
هذا كان غبار ف امتحاناتي
ومن الاوائل كانوا معدلاتي
ومن بيضة فقص الفرخ...
.....
ماننسى ذكرياتي
مع اصدقائي وصديقاتي
الله ينعل من اليوم عليهم شمخ...
.....

..............أحمد الناصري.........