وعجبي .بقلم المبدع // محمود مسعود

وعجبي ... !!!
ـــــــــــــــــــــــــــــــــــــــــــ
علي المكتوب ع الجبين ...
إن رحت شمال يقول يمين ...
حظ ع الكفوف مش متشال ..
والقهر والحزن صاروا موال ....
أه ياعيني علي وجع السنين ....
اللي يبات فيه يصبح يلاقيه مسكين ....
وأخرتها إيه ياغربه جوه الصدور ...
عايشين أيامنا جوانا شعور مكسور...
طب إيه السبب يادي العجب....
الحق في حلقونا محشور .....
وأنا مالي عايش في حالي معذور
طابور طابور طابور
هانت علينا عيشتنا تغووور
الأكل طابور
الشرب طابور
الموت طابور
ميلاد طابور
المسئولين عيونهم عور
تسأل عن حل
في قلوبهم غل
يظهر علي طول
يعني أنت الناصح
يعني أنت الفالح
اتفضل علينا فوت
يافلحوس بكرة
وتروح بكرة
يقولولك بكرة
وبكرة علي فكرة
يعني تنسي
تتأدب بأدب
ولا تنطق كلمة عجب
أديك شايف أخرتها
في حلقة بتدور
ولا عمرك ياناصح
حتعرف معني السرور
وعجبي ......
ــــــــــــــــــــــــــــــــــــــــــــــــــ
بقلمي / محمود مسعود ( عامية ) 2/3/20177م