ربيع الحب . بقلم المبدع // ابراهيم محفوض

ربيع الحب

لملمت من ربيع الحب أزهار.....
 كل زهرة بعطر مخصوص فواحة

من عيون فتانة من أسرار.....
 زرعها الرب فيكي متل واحة

إنت قمر طل عالدني بأذار.....
 شلح التلج ولبس الدفا لفاحة

إنت إلي وأنا الك شو ما صار.....
 و لو قالو آدم رجع وأكل تفاحة

بدي نلتقي يوم نطلع بمشوار.....
 وزهور حلوة من الغيظ نواحة

روحي بليل ع سما الأقمار.....
 خلي بدر السما ياخد استراحة

اقعدي عمروج اخضرت بنوار.....
 الشجر مظلة الك والعشب طراحة

هون بيجي النحل متل عطار....
 جايي يجني الزهر بكل راحة

يا عطار أوعى تقرب الأزرار.....
 بعدها عالجنا طفلة كلا سماحة

ومن خلفك بيجي قلب غمار.....
 ياخدك بغمرة وتنامي مرتاحة

بقلمي ابراهيم محفوض