الشاعر المصري / احمد ابراهيم
**************************
في قصيدة / اسمعّي
****************
ده الحمل زاد والوهم بات
فوق السنين وبتضحكي
اضحكي قومي افرّحي واشربي
كاس النبيذ واسمعّي
صوت البكي بين العيون
قومي افرّحي ع الأهات
قومي اعبدي واسجدي
ورتّلي حرف ف كتاب
فيه اتولد بحر النفاق
وارسمي صورة ولد
مصلوب على معبد ومات
واللى باقي منه حبة من رفات
افتحي كل المعابد والبارات
واكتبي ع اللى سارق واللى غارق
واللى مؤمن واللى كافر بالآيات
واللى نافق واللى بيكي
فيكي ايوة عاش ومات
فوق جدارك اكتبيني
انى كاره فيكي غدرك
انى رافض كل مكرك
قولي بس ازاي احبك
وانتي جرحه وانتي عايشه تضحكي
وانتي قاعدة تشربي خمرة عنب وبترقصي
رقصة ألم فوق الجسد
مليون علامه معلمة رعشة قلم
من حرف عمري مؤلمة اسمعّي
رافض انا كرهك انا شيفك فى بار وبترقصي
على حلم ميّت فى الجسد
رتّبي تانى الكاسات وافتحّي كل الايات
وابداءي تانى الصلاة واشربي كل الكاسات
وارقصي فوق الجسد اللى اتصلب
واللى باقي من رفات
مالهاش ثمن اجمعّي كل العنب
واصنّعي تاني النبيذ وأملّي من تانى الكاسات
وارقصي على حلم كان عايش هنا
بس منك انتى مات بكرهك
اسمعّي اخر كلامي بكرهك
*****************************
بقلم الشاعر المصري / احمد ابراهيم
ليست هناك تعليقات:
إرسال تعليق