لو كنت تقدر . بقلم المبدع // طارق عطية

لو كنت تقدر

لو كنت تقدر

تعالى هاتْ لى من الزمنْ...... أيامْ عَذابى 
تعالى رجّعْ لى التّمنْ......... لِسنينْ شَبابى
منْ يومْ ما قلْبى خَلاصْ نِسى غدرْ الزمانْ
 قَفلتْ قلبى عَ. الحنينْ..... مش بسِّ بابى

مشْ ناويَة أفتحْ قلبى
 لو حتّى أظْلِمُهْ

كانْ لازمْ أنسى الحبّ
 لازم أعَلّمهْ

مينْ في الزمانْ ده
يستحِقّ يشيلْ أمانة

ولمين حضيّعْ قلبى
 تانى واسَلّمهْ

نسيتْ.. كَياني
فاضلْ إيه تانى
قلبكْ...... أنانى
 ما العمْر عدّى خلاصْ ومشْ حَنْكمّلهْ .

عايزنى أرجعْ هاتْ سنينْ عمرى اللى فاتْ
عايزنى أرجعْ.......... نسى قلبى الذكرياتْ
أوفى لو عندكْ
دبلتْ.. ورودكْ
دمعةْ .خدودَكْ.
 حَمْسحها لو حسّيتْ بأنّ الظّلمْ ماتْ .

بقلمي....طارق عطية
 ..............شعر غنائي