جرحك غويط . بقلم المبدع // محمد حلمي

جرحك غويط
ياااااوطن
فيك الخلايق
متلونه
أيش بيسرق
وأيش بيحرق
وأيش بيموت فطيس
وأيش بينام
متغطي بالسما
وأيش حويط
واللي بايع القضيه
زمر طيط
واللي بيهبش
قوت الغلابه
واللي قانونها
قال براءه
الجاني لاهو
ولا هو
انا الجاني والمجني عليه
مين قال
اني انا مظلوم
انا القاتل
وانا المقتول
انا المولود بالمرض
والفقر جوايا
انا يخلق الغلابه
انا يادوب
اغني علي الربابه
ليل يا عين
واللي علي كام
حبل يلعب
والمراوغ والمنافق
والمراااافق
شيطان رجيم
واللي بيحلف
ميت يمين
بالحرااااام
واللي هابش
مليار وكام
واللي متلفح بخيش
واللي نايم جوه هيش
واللي بيرقص
جوه قصره
والكاساااات
ونساوين البارات
عريانين
بيدفو كام باشا
سهرانيين
واللي دايخ
مش لاقي
حتي الغموز
كان شباب
صار عجوز
الفقر ملعون
يابوز ...الفقر
مقهور الوليد
لازاد ولا زواد
والبطون بتصرخ
ماتو الولاد
والديابه لسه بتسعر
لساها ماشبعناش
مع ان الغلابه
بتموت بلاش
وطن
صار قبر
من غير كفن
جته تتلقح رخيص
والخسيس
سكران
شارب حتي دمي
أه ياهمي
امتي تفوق
امتي اشيل
من فوق رقابي
الف طوق
امتي يتحرر وطن
امتي يعود
ليه سكن
امتي تموت الديابه
..........
 محمد حلمي