شريك حياتي . بقلم المبدع // طارق عطية

شريك حياتي

أنا منْ زمانْ بَحلمْ ألاقي شريكْ حياتي
بحلمْ كمانْ أنسى .......آلامي وذكرياتي
غلطتْ لما خدعني.. صوته ولون كلامُه 
 كسبتْ إيه أنا غيرْ عذابي .وغير اهاتي.

بحلمْ الاقيه ........ادامي
أو طيفُه .يزورنى فمَنامي
مشْ هو فارسْ احلامي
 يبقى حيحَقّقّ ذاتي

من حقّي ألاقي الحبّ ما ياما حلمت بيه
الاقي قلبْ يخافْ عليّا .......وأخافْ عليه
الحبّ إيه غيرْ كلّ......... إحساسْ بالأمانْ
 وحضنْ دافي وقلبْ صافي..... تميلْ إليه

يسقيني حنينْ... وحنانْ
أشربْ ويقولّلي..... كمانْ
ولا خافْ يوم من الزمانْ
 يستاهلْ تضحياتي.

نفسي مرة.. يسيبْ زماني
لقلبي فرصةْ الإختيارْ
مش حسيبكْ .....مرة تاني
تحرقْ الأحلام بنارْ
سيبني أعيش مرة بكياني
 قلبي مش حملْ انتظارْ

بقلمي......طارق عطية
 ...............شعر غنائي