القلب يتوجع . بقلم المبدع // محمد لمراحلي

القلب يتوجع
من كثرة ما شافت العين
ؤ لوذن تسمع
واللسان ايسال
فين غاديين بنا فين
كولشي ردوه امشمع
والحرارة
انينها احزين
المرض اطغى واترفع
والطبيب امصنف
من هادي سنين
لمريض غاصو الدوى
باش يتنفع
والمشفى سد بابو
والعساسة كلهم مازحين
ؤ من اورى السياج
ايبان الورد احنين
السرير والمسند
اللي ابغيناه
تاه ؤ ضاع
واللحاف اللي اترجينا ادفايتو
الريح علاه
ؤ فالسما بان ازوين
الساحة فيها المنبع
والغيت احلماه
مع الاقتراع
بالجمعة احضرنا كاملين
انسينا الصلا
واللي نصبوه
گاع مشفناه
سياسة قيلني عليك
والضعيف كلو اتباع
لقوي ايناور
من الفوق
كيبان كيحاور
ؤ فالاعماق
مزال مشباع
الله الله
كولشي زين
والحكومة غادي تتكون
فوق مسرح موازين
محمد لمراحلي
 فاس