صورة و حرف ..بقلم المبدع // محفوظ البراموني

صورة و حرف ..

يااااااا دنيا ..

تعرفي نعمة الغلبان ..
إنه دايما شبعان ..
زى عم شعبان ..
هو ..
إللي طول عمره ف حياته قنوع ..
طول ما النعمة ف إيده ما يجوع ..
و لا يهمه ..
الأكل من أى نوع ..
ما تفرق معاه أبدا إزاى مصنوع ..

دايما شبعان و لا ميت من الجوع ..
راضي ب حياته دايما ب الخشوع ..

يااااااا دنيا ..
عم شعبان ..

ب يزرع ورود حتى لو الأمل ممنوع ..
ما يهمه وجود حتى لو عاش مخدوع ..

أصل مفيش خلود ما عاد رجوع ..
الدنيا كلها ع بعضها وهم و دموع ..

حتى يا دنيا ..
لو الضحكة منك صفرة ..
ب صفار متصفر ب إصفرار ..

ف الأخر كله هيسكن ف حفرة ..
محفورة ب حفار متحفر ب أقدار ..

إوعي ..
تفتكري هتهزميه ..
أو تحاولي تجرحيه ..

طول ما هو محافظ ..
ع النعمة و حافظ ..

إن الرزق من عند الحافظ ..
هيعيش دايما عليه محافظ ..

رب الخلق الرحمن ..
دايما مع ..
الغلبان ..
الشقيان ..
التعبان ..
الإنسان ..
عايشين ع أرض الأمان ..

يااااااا دنيا ..
الناس الغلابة ..

عمرك ما هتهلكيهم .. 
ب الدمار ..
و لا ..
عمرك ما هتحرقيهم ..
ب النار ..
و لا ..
عمرك ما هتلويهم ..
ب إنهيار ..
و لا ..
عمرك ما هتكسريهم ..
ب إنكسار ..

يا أراضي الظلم ..
كفاية بقا دم ..
خلينا نعيش ..
من غير غم ..
و ناكل عيش ..
من غير سم ..
القتل و الخراب يبقى مفيش ..
و حلاوة السلام تعم و نعيش ..

يااااااا دنيا ..

ف كتير زى عم شعبان الغلبان ..
شايل ف إيده العيش ..

نفسهم الطيبة الطاهرة يحسيوا ..
ب طعم العيش ..

معدتهم قنوعة مش عايزين منك ..
غير العيش ..
لا طمعانين ..
دايما شبعانين ..
مش جاعنين ..
ب القناعة عايشين ..
ب الحب متواجدين ..
ب الطيبة طاهرين ..
ب النقاء صافيين ..
ب البهاء منوريين ..
ب الأخاء بني آدمين ..

يااااااا دنيا .. 

خلي بالك منهم ف دوران السنين ..
دول ناس ريحتهم زى الياسمين ..
ب طينة الطيبة كلهم مخلوقين ..
مش عايزين غير يعيشوا مكرمين ..

هذيان قلم : 
: محفوظ البراموني :