يا سلام .. ع قاعدة ال رصيف ..بقلم المبدع // محفوظ البراموني

يا سلام ..
ع قاعدة ال رصيف ..

لما تقلع الهدوم المخنوقة ..
و تلبس الهدوم المحبوبة ..

الإسبور الشيك الظريفة ..
تيشرت شورت و الشوز الخفيفة ..

من غير الرسميات الرخمة السخيفة ..
و مجالس و المهاترات المخيفة ..

مفيش بدلة و قميص و كرافتة ..
و لا عالم من ناس كلها أونطة ..

انا عملتها تقولوا الظريف عقله بقى مفيش ..
جربت قاعدة الرصيف انا ميهمنيش ..

ما أحلاها لما تتحرر من البرستيج المخيف ..
أبقى حر و أنا قاعد ع الرصيف ..

مستني يجيلك الشاي النضيف ..
من بياع الشاي الطيب الشريف ..

طاير ب جناح الحمام الرهيف ..
ب بساطة بسيطة ب الهدؤ عفيف ..

ب حلاوة حلوة ب الدفئ اللطيف ..
تشرب الشاى و ك أنك ف جنيف ..

مفيش حاجة مضيقاك ..
مفيش زحمة شوارع معصباك ..

مفيش ناس كتير خنقاك ..
الدنيا هادية كلها معاك ..

هي دي السعادة ع الرصيف من غير كسوف..
تلاقي نفسك طاير من غير خسوف ..

تضحك ضحكة صافية من غير خوف ..
تاكل تشرب كل حاجة وانت ملهوف ..

رايق من الزحمة و ب سر جمال البساطة ..
روقانك مفيد زي روعة دلال البطاطة ..

يا للي وخدها و بتكلها ب الشوكة و السكينة ..
كلها ب ايدك ها تلاقي راحة من السكينة ..
اوعي تتلخبط 
السكينة اللي فوق كسرة ع السين ..
السكينة اللي تحت فتحة ع السين ..

آه و الف آه يا جدع يا مسكين ..
إفهم الدينا ل تشيل منك يا حزين ..

البساطة نعمة ل حد يوم الدين ..
البسيط يعرف الدنيا رايحة فين ..

امشي معاها تا تا ..
تبسطك وياها ب سلاسة ..
مفيش تعقيد خالص ب التلاتة ..

هذيان قلم : 
: محفوظ البراموني :