....أسود لون عشقك.....
يابهتة في ألوانك والسواد طبعك
والهم خلخالك رنته لحن قساوتك
والضحكة زيف وربيعك بقي خريف
والفرح ضيف نادر لما يزور أرضك
........
كل الوشوش فيكي ف عزا وصوان
وإنتي علينا قلبك كما الحجر الصوان
بين الفقر والقهر فيكي حال الإنسان
ولما تسعدي يبقي مع الموت وعدك
........
بصي ف شوارعك والحزن كسيها
وعيون الناس الدمع مكتوم فيها
ولو بصيتي جوا القلوب هتلاقيها
بتحلم بالرحيل وتتمنى البعد عنك
.......
شبابك كهل وشابت فيكي بهية
لا طرحة ولا ضحكة جاية أو معدية
حتي الجلابية من كتر الهم مهرية
نشف عودك كتر الموت في حبك
.......
ميتك مهل تهري الحلق والبدن
الحلم بقي توب أبيض إسمه كفن
والأمل في بكرة إنسان وإتسجن
فاضل إيه يطمن القلب ف عشقك
.......
ولسة بأغنيلك بس غنايا نواح
علي بكرة إللي مننا غاب وراح
علي يأس بقي بين البشر سواح
علي همي إللي زاد وعليه همك
.......
أسيبك حتي البعد صعب وبعيد
أعيشك مش لاقي غير همك عيد
أموت الموت صعب يهل زيك عنيد
أقولك كاره الحب لو كان في حضنك
........
أيمن بلال
يابهتة في ألوانك والسواد طبعك
والهم خلخالك رنته لحن قساوتك
والضحكة زيف وربيعك بقي خريف
والفرح ضيف نادر لما يزور أرضك
........
كل الوشوش فيكي ف عزا وصوان
وإنتي علينا قلبك كما الحجر الصوان
بين الفقر والقهر فيكي حال الإنسان
ولما تسعدي يبقي مع الموت وعدك
........
بصي ف شوارعك والحزن كسيها
وعيون الناس الدمع مكتوم فيها
ولو بصيتي جوا القلوب هتلاقيها
بتحلم بالرحيل وتتمنى البعد عنك
.......
شبابك كهل وشابت فيكي بهية
لا طرحة ولا ضحكة جاية أو معدية
حتي الجلابية من كتر الهم مهرية
نشف عودك كتر الموت في حبك
.......
ميتك مهل تهري الحلق والبدن
الحلم بقي توب أبيض إسمه كفن
والأمل في بكرة إنسان وإتسجن
فاضل إيه يطمن القلب ف عشقك
.......
ولسة بأغنيلك بس غنايا نواح
علي بكرة إللي مننا غاب وراح
علي يأس بقي بين البشر سواح
علي همي إللي زاد وعليه همك
.......
أسيبك حتي البعد صعب وبعيد
أعيشك مش لاقي غير همك عيد
أموت الموت صعب يهل زيك عنيد
أقولك كاره الحب لو كان في حضنك
........
أيمن بلال
ليست هناك تعليقات:
إرسال تعليق