البهيمة الفاهيمة ..بقلم المبدع // محفوظ البراموني

البهيمة الفاهيمة ..

ب تبصي ع مين يا ست الكل ..

ع الإنسان اللي كان زمان زي الفل ..

و للا ع الإنسان اللي ماشي وعايش ب الذل ..

و للا ع البشرية اللي الحب بينهم نايم ..

طبعا ..

إنتي ب تقولي الحمد لله إنك من البهايم ..

ب يخدوا خيري وف الأخر ب يدبحوني ..

لا بيحمدوا ربنا و لا حتى ب يشكروني ..

هما ليه كده زي القطط ياكلوا و ينكروني ..؟

بعد ما يشبعوا و يهضموا ك أنهم ما يعرفوني ..

عايزة اقولكم حاجة ..

انا كلي خير ..
إنتوا فيكم بقى خير يا بني أدمين ..؟

قولوا ما تتكسفوش ..
و الله ما تخفوش ..
. وللا مش عارفين إنكم شوية وحوش ..

بس أنا ب أحب الفلاح ..

هو انسان ..
واخد من حناني ..

هو اللي ب يرعاني ..

و ب مية الحب الحقيقي سقاني ..

و ب الود و المحبة و الرحمة خلاني ..

احن من أى إنسان آه و آه و كمان آه ياني ..

اقولكم و اسموعها مرة تاني ..

أنا فرحانة إني من البهايم ..

مش إنسانة الحب فيا نايم ..

هذيان قلم : 
: محفوظ البراموني :