أشتري منين ؟؟
يا للي أيامك مضت ..
أشتري ليك أيام منين ؟؟
يا للي أحلامك إنقضت ..
أشتري ليك أحلام منين ؟؟
يا للي أعوامك عدت ..
أشتري ليك أعوام منين ؟؟
يا للي ربيعك راح ..
أشتري ليك ربيع منين ؟؟
يا للي كلامك سكت ..
أشتري ليك لسان منين ؟؟
يا للي ضحكتك وقفت ..
أشتري ليك النكتة منين ؟؟
يا للي زمانك واللا ..
أشتري ليك زمان منين ؟؟
يا للي دموعك كترت ..
أشتري ليك مناديل منين ؟؟
يا للي قلبك إرتجف ..
أشتري ليك الدوا منين ؟؟
يا للي قوتك هوت ..
أشتري ليك عضلات منين ؟؟
المحلات قفلت ..
بعد الليل الطويل ..
و السكوت العليل ..
إستنى ل بكرة ..
لما تطلع ..
شمس الأصيل ..
تشرق ب الأمل ..
و النور الجميل ..
هذيان قلم :
: محفوظ البراموني :
ليست هناك تعليقات:
إرسال تعليق