.دردشة..بقلم المبدع // أيمن بلال

.....دردشة.....

بتاخديني تضميني
تنسيني أسي سنيني
تعدي الجرح والقسوة 
وتهلي كما النسمة
وأشوفك هلا بالبسمة
سكن هواكي حنيني
ياسنين العمر والغربة
ياطوق نجاتي والغرقة
ياخوفي وقولي مش فارقة
ياطفولة قلبي لما تناديني
لا ليل إلا ف عينيكي
لا دنيا إلا ف إيديكي
أنا عاشقك أنا ليكي
ترضي الدنيا لما ترضيني
ف حضنك ياخدني جنون
وكوني يبقي غير الكون
وتكوني وأنا زيك أكون
خدتي العمر وخدتيني
ده ليلي وعيونك قمره
وحبك سر سعده وسهره
وضحكتك فرحتي بفجره
حبك زي ما يكون يوديني
حبيبتي هواكي وعد
وكلمة بقت بيننا عهد
ومهما طال الزمن وإمتد
منين ما تكوني هتلاقيني
مدي إيديكي للإيدين العطشانين
طلي بعينيكي عالعيون المشتاقين
حبنا حكاية ليالي وحكاية سنين
مكتوبة ف قلبي وف عيني
ومهما تلف بيننا سنيننا
يتجدد حبنا لو مرة إتقابلنا
كأننا لا تغربنا ولا بعدنا
ما إنتي سر شوقي وحنيني
......
أيمن بلال