الجدع . بقلم المبدع // محفوظ البراموني

الجدع !!

ال واد ده ..

راجل إبن راجل جدع ..

مش دجال و ب يضرب ودع ..

ده واد راجل من لبن أمه رضع ..

صعيدى دكر ..

ده أبو الرجالة مش لسه ب يدلع ..

إتعلم و خد شهادة ..

دور ع شغل يكون حلاوته زيادة ..

تعب كتير و مفيش غير المر سادة ..

قال ..
ماشي أشتغل دلوقتي يا سادة ..

يا عيني عليه ..
كان فاكر بعد ما يتخرج تتفرش له السجادة ..

و الورد و الفل يترسم له ع الحيطة ..

و ليه كرسي و مكتب زى ولاد السادة ..

ده كمان معاه لغتين و فاهم و زيادة ..

حلم و فجاءة صحى ع كابوس ..

ب يقوله !!
إنسى مفيش مكتب ..

ف شقى و تعب ..

تشيل و تحط الأسمنت ف علب ..

و للا تشتغل ب الشحاتة ..

و تشحت ف الشوارع و تموت تاتا تاتا ..

رد ع الكابوس ..

موافق ..
يعنى هشتغل زى الجاموس ..

آمرى ل لله أنا كده كده الإنسان الميؤس ..

يئست من حياتي و بقيت الكائن المنحوس ..

لبست حزني يوماتي و إنطفى الفانوس ..

سمعته ب إحساس ..

و هو ب يكلم الكابوس يا ناس ..

قلتله ..
قوم .. قوم من النوم ..

أوعى .. 
تقول الكلام ده تاني ..

و إيه يعنى ..
لما تشتغل و كبريائك عالي ..

أنا عارف ..

إنك من ضمن الغلابة ب تتألم ..

إنت راجل صعيدي جدع و معلم ..

معلشي الدنيا ما بتديش محتاج ..

كلها شقى و عرق مفيش علاج ..

فيها ناس ب تكسب و لا تتعبشي ..

فيها ناس ب تتعب و لا تكسبشي ..

إشتغل يا بني و إتعب و ماتخفشي ..

و شهادتك حطها ف برواز و ماتندمشي ..

أنا عارف إن ..
الشمس حرقتك قوم يا ابو الرجالة ماتتألمشي ..

تخيلوا قاللي ..

كويس إنك صحتني ..

دا أنا كنت بحلم ..

و الحلم ماكملشي ..

أنا هقوم ..
أكل علشان إمبارح ماتعشتشي ..

سيبته و مشيت ..

و دعيتله هو و العيال الرجالة اللي مابتتعبشي ..

مش العيال اللي ع القهاوي سهرانة و مابتشتغلشي ..

هذيان قلم : 
: محفوظ البراموني :