حلم شاب فقير
===
بدي عروس تكون ع قياسي
تصبر معي عالحلوه والمره
درويش والله والظرف قاسي
لكن بصون الود والعشره
ماهي لئيمه -- طبعها راسي
مثلي انا بالطيب تتمرا
تقدر ظروفي وتفهم مراسي
ما يوم تعصي الحب بالمره
تحافظ على شعوري وع احساسي
ما تهب كل ما وقعت الجره
تناقش بحكمه وذوق وسياسه
والعدل تبقى دوم تتحرى
تملا بوفا واخلاصها كاسي
والسر ما بتطلعه لبره
وتا حطها بقلبي وعلى راسي
من غرورها يا ناس تتعرى
بوهب لها الخمسه من حواسي
وما بخونها بعمري ولا ذره
وبحبها تا تكون حساسه
بعفة قلبها طاهره وحره
بخلي هواها بالقلب راسي
وراح صونها بقلبي مثل دره
وحبي لها بيبقى عقد ماسي
وتقضي العمر افراح ومسره
=== محمود شبيب ===
===
بدي عروس تكون ع قياسي
تصبر معي عالحلوه والمره
درويش والله والظرف قاسي
لكن بصون الود والعشره
ماهي لئيمه -- طبعها راسي
مثلي انا بالطيب تتمرا
تقدر ظروفي وتفهم مراسي
ما يوم تعصي الحب بالمره
تحافظ على شعوري وع احساسي
ما تهب كل ما وقعت الجره
تناقش بحكمه وذوق وسياسه
والعدل تبقى دوم تتحرى
تملا بوفا واخلاصها كاسي
والسر ما بتطلعه لبره
وتا حطها بقلبي وعلى راسي
من غرورها يا ناس تتعرى
بوهب لها الخمسه من حواسي
وما بخونها بعمري ولا ذره
وبحبها تا تكون حساسه
بعفة قلبها طاهره وحره
بخلي هواها بالقلب راسي
وراح صونها بقلبي مثل دره
وحبي لها بيبقى عقد ماسي
وتقضي العمر افراح ومسره
=== محمود شبيب ===
ليست هناك تعليقات:
إرسال تعليق