دهولة الحب . بقلم المبدعة // هدى سيد

قصيدة ( دهولة الحب )
بقلمي / هدى سيد
2018/1/17

انا كنت مهندم ومظبط
شيك قوي وحليوة وواد امور
وبنات الكون يتمنوني
وبنظرة عين يقفولي طابور
كان شعري سواده بيشبه ليل
والجسم رياضي وشكله جميل
والصحة تمام ولا أجدع خيل
في الشكل ولا نجوم السيما
عالي القيمه زي البشوات
والناس يشوفوني يقولوا ده چان
أميتاب باتشان
ولا شاروخ خان
من يوم ما عرفتك وانا اصلا
الفقر في اوضتي ليلاتي يبات
ووقعت ف حبك من يومها
الشغل اهو راح وبقيت شحات
وبسببك ضعت بقيت كحيان
والعز دا كله كإنه ما كان
ضاع مني المال ويا حلاوتي
أصبحت بسببك ف خبر كان
عدمان صدمان
غلبان عيان
وخسرت أنا أهلي والخلان
واصحابي الرجالة الجدعان
أصبحت مدهول على عيني
مسجون في حياتي بدون سجان
فقرية وبومة وحداية
مين قالك في حياتي تخشي
غوري من وشي
انا فعلا غلطان واستاهل
ويا ريتني رجعت انا زي زمااااان