.غنوة حب...بقلم المبدع // ايمن بلال

.........غنوة حب......
طال الليل ودايرة سواقينا
ومركب الاحلام من مينا لمينا
.....
ويستخبي الحلم جوا القلوب
مستني نبض الأمل يحيينا
.....
وأنا عاشق بالخيال رسمتك
زهرة في بستان ليالينا
.....
يهل الليل علي ليل حبك
لحد الشمس ما تشرق علينا
......
تحضن بضيها نور ضيك
ومن كاس العشق تسقينا
.....
مرة ألم يسكن في الضلوع
وساعات نلقاها بالفرح تلاقينا
.....
وبين البعد وسنين غربتك
تعدي نسمة أمل تداوينا
......
واحنا احتار الزمان في حبنا
وف صفحات العشق ما عتر فينا
......
فتح لعشقنا صفحة في كتابه
نهارها الم والبكا ف ليالينا
.......
ولما نوي يطوي الصفحات
لقي نبض الحب لسة فينا
......
ده ياما في الحب حكايات
تحكيها نجوم السما لينا
.....
بس حكايتي ف حبك انتي
يحضن الخيال فيها خطاوينا
.....
جينا ولسة عاللقا بدري
وف زمن غير زمننا جينا
.....
وف عز بعدك يحضنك ليلي
ويرسم مكان ف الحب لينا
.....
وقبل ما أشوفك كان الليل
بيحكي لكل العاشقين علينا
......
كأننا حلم تهواه القلوب
آه لو يعرفوا اننا ما تلاقينا
........
وكل اللي بيننا خيال وحلم
مع ان كتاب الحب فيه حكاوينا
........
وف كل زمن تلاقي حكايتنا
دمعة حزن علي زمن ناسينا
......
وتفضل غنوتي ف حبك حكايتي
تحكي اللي كان لينا ومش لينا
.......
ويفضل خيالك غنوتي ف ترحالي
ويفضل الحلم مستني الحقيقة تجينا
بقلمي

ايمن بلال