نسيت دمك
وحطيت الايدين البيض
مابين كفين
شاربين من دما ولدي
وروح بلدي
جراح جسدي
اللي نزّافه عَنا وعِناد
و قوت بالكاد
وناس نسيتهم الاعياد
ونسيت فرحة الاعياد
وناس فاضيين
بيحكوا في كلام متعاد
كلام بارد مالوش معنى
ماشلش الهمّ في المحنه
ماشافش الارض
مرويّه بدمانا احنا
كلام وخلاص
مالوهش أساس
ما مسّش مننا احساس
ما حسّش بالدموع
لما بتقلب دم
مالمّش بين ايديه
اشلاء صغير او أم
مالوهش أب في السودان
وأخته عايشه في لبنان
وعايش في الجزاير عم
نسيت دمّك
وجاي زعلان
على المقدس
وبتقول راح
يا عم ارتاح
دابيت الله
وصاحب البيت
معاه مفتاح
فلو هاتزعلك حاجه
ياريت تزعل
على الارواح
ودم المسلمين أغلى
من الكعبه
بلاش تلعب بمشاعرنا
وتستهلكها في اللعبه
بلاش تبكي على الاقصى
يا بايع دمنا قبله
عرفت عدوك الغدار
ولسه بردو بتقابله
مستر عادل أبوزيد
ليست هناك تعليقات:
إرسال تعليق