_ دموعي البريئة . بقلم المبدع // حسن الشوان .

_____________ دموعي البريئة _________

كل حاجه حلوه رسمتهالي
علي الورق وفي الحقيقة
وفي لحظة ما القاكش قبالي
وتنزل عليك دموعي البريئة
اعيش مع نفسي وفي حالي
افتكر اللي جري كل دقيقه
كانت الراحه مالية قلوبنا
وكانت الفرحه حوالينا
مفيش زعل حصل بنا
والقمر بيضحك مع ليالينا
قلت طيب أتصل بيك 
لا رديت ولا حتي عايز تطمني
عايز اعرف اللي حصل ليك
وايه كمان إللي زعلك مني
كل اللي عايزه أطمن عليك
لكن اقولك ليه عزتي تمنعني
قلبي قاللي متسألش فيه
حتي قلبه مسألش عني
صعب عليا لما شفت عنيه
لأنه حاسس بيا وبوجعي
يبقي إذاي أقوله ده ليه
وهو اللي بيتألم لدمعي
وهو اللي شاورلي عليه
وهو كمان اللي إختاره
واللي عمله معايا يخليه
في الأخر ياخد قراره
أكيد طبعا انا راضي بيه
ولو حتى رجعلي بأعذاره

_____________________________________
............. الشاعر حسن الشوان .....................