أفعالك المجنونة ..بقلم المبدع // محمود مسعود

إهداء إلي كل إمرأة نكدية تبحث عن المتاعب لكل من حولها ........
................................................................................................
أفعالك المجنونة ..........!!
ـــــــــــــــــــــــــــــــــــــــــــ
كنت فاكرك أكبر من كده
خليكي بقي علي كده
وابقي قابليني لو حد نصفك
واسمعي كلام اللي عاوز ينسفك
عامله فيها مظلومة
الكل جاير عليكي ومكلومة
كاشفه سترك لكل الناس 
ودايما تكتبي علي الفيس
أنت حاسه كده بأي أحاسيس
لما تنمي علي أقرب الناس
ياستي سيبك م الدلع
الكل قلبه فيه الوجع
بصي لولادك اهتمي بيهم
حافظي عليهم والله ماحينفعك
لو وقعوا قعدة الفيس
علميهم صلي بيهم حفظيهم
كلام الله
مش تبقي ضايعة وبتتخبطي
وأحيانا بايعة وتتشرطي
وأنت اللئيمة وكمان بهيمة
توقعيهم بكلمة و تتفرجي
الخلق ضاق من كتر الخناق
كرهوك الناس يافاقدة الإحساس
وبيدعوا دايما من قلبهم
إنك تغوري من وشهم
وصحاب الشوم ماعليهم لوم
بينصحوكي بالخراب
خليكي فكره
إن النهاية حتبقي سراب
وافتكري دايما أهل بيتك
ياما نصحوكي
حاولوا يخلوكي
بني آدمة لكن خاب
كل مسعاهم
خسرتي رضاهم
ياكئيبة يابومة
مش عاوزة عزومة
النكد عنوانك
حتي جيرانك
بقوا منك بيخافوا
طبعا عشان شافوا
أفعالك المجنونة
ــــــــــــــــــــــــــــــــــــــــــــــــــــــ
محمود مسعود ( كلمات عامية) 14/9/2017م