حقوق النشر محفوظة
-------------؛
ماترضى بالمقسوم
-------------؛
ماترضى بالمقسوم يا حبيبى
وتبوس إيدك وش وضهر
مارضيش بالخل رضى بشرابه
ويشرب منه لو كان نهر
ما ترضى بالمقسوم يا حبيبى
وتبوس إيدك وش وضهر
----؛
ليه بتبص لحاجة غيرك
لو بتدوم ماتروحش لغيرك
عينى عليه ما عملش حسابه
يعمل ايه ف بقيت الشهر
ما ترضى بالمقسوم يا حبيبى
وتبوس إيدك وش وضهر
----؛
واللى يقول ما لعبش معايا
والزهر. . معاند ويايا
ويبقى همه وكل عذابه
يلعب يوم .. وياه الزهر
ماترضى بالمقسوم يا حبيبى
وتبوس إيدك وش وضهر
----؛
احمد ربك لو ع الصحة
باللى عليها دنيا ورايحة
يبقى فتوة ف عز شبابه
تلاقيه يلعن ام الدهر
ماترضى بالمقسوم يا حبيبى
وتبوس إيدك وش وضهر
------------؛
بقلم / عادل شعبان
ليست هناك تعليقات:
إرسال تعليق