لما بكون وحيد.. بقلم المبدع // محمود مسعود

لما بكون وحيد........!! 
ـــــــــــــــــــــــــــــــــــــــــــ
مش حاحلفلك إني بحبك
بص في عيني تعرف قيمتك
لو حتكلم وأنا با تألم
راح تسمع مني أحلي كلام
في الحب من القلب
والكاس اللي اتصب
علي عتبة أحلامي
بشرب منه يوماتي
علي أمل اللقاء
في الأرض أو في السماء
المهم تجمعنا
أوجاع بتدفعنا
في طريق الحب
أنا قلت اللي في نفسي
وبهندملك لبسي
يمكن يوم تحسي
وتسألي ع اللي في بالي
انك يوم تبقي حلالي
ويضمنا العش
بعيد بعيد عن الغش
وكلام العوازل
اللي عمره ما يغازل
دا يفرق في النازل
علي طول ياحياتي
يا أملي وذكرياتي
ولحني وأغنياتي
لما بكون وحيد
ــــــــــــــــــــــــــــــــــــــــــــــــــــ
بقلمي / محمود مسعود ( أغنية ) 18/9/2017م