بتنسينى . بقلم المبدع // على شحاتة سليم

بتنسينى
.......................
بتنسينى ونسيانك مبكينى 
لا عارف حتى أروحلك فين
ولا بتفتكرى وتجينى
بقيت واقف محلك سر 
لا طايل عوم ولا رجوع بر
مافيش ف حياتى حاجة تسر
تشيل الدمعة من عينى
بقيت ماشى ومن غير روح
مش قادر أبوح ولا انوح
قولولى أروح لفين وأنا أروح
وأقابل مين يودينى
بتنسينى ونسيانك مبكينى
لا عارف بس أروحلك فين
ولا بتفكري وتجيني
بقيت من كسفتي مضطر 
ماسيبشي الدمعة منى تفر
عشان لو سببتها هتجر
دموع خبيتها عن عيني
بقيتي أذاي كده ناسية
وروحك ليه بقت قاسية
ما كنتي العاقلة والراسية
نسيني أذاي ترسيني
على شحاتة سليم