ضلك قوية . بقلم المبدع // ابراهيم محفوض

ضلك قوية

يا حوا بهالزمن ضلك قوية
 متل قلعة شامخة روحك أبية

يا حوا بعمرك لا تكوني ضعيفة
 بحجة سرك المكنون عاطفية

بتضلك مغنجة وحلوة وظريفة
 وصامدة بوجة الرياح العاصفية

إنت يا حوا بإحساسك لطيفة
 ونادرة متل الكنوز الجوهرية

ضلك طاهرة كالزهور العفيفة
 وضلك ملانة حب وشاعرية

ضلك كقطرات المطر نظيفة
 نقية مقدسة للخير جيتي روية

بتسقي أرض بلادنا الشريفة
 وبفعل الخير بتكوني سخية

وبطلب منك بهالأيام المخيفة
 خليكي صبورة وضلك قوية

بقلمي ابراهيم محفوض