بحبك يا دنيا مع انك دنيا فانيه و مش مضمونه ثانيه و مفيش فيكى امان.... بحبك يا دنيا مع ان طبعك جافى و مش عليا بتخافى و نسيتى ان انا إنسان بحبك يا دنيا حب كلة إخلاص مع انك يا دنيا حبى عليكى هان.... يا دنيا ليه نسيانا و بايعه ليه هوانا مع انه كلة حنان بقا طبعك الاسيه خفى علينا شوية و فين راح الأمان الحلو فيكى سم و جراحنا تنزف دم و اهاتنا معدتش تهم.... و ضلت خطاوينا و طال الطريق بينا و تهونا عن العنوان.... ليه كلك هموم و كترت الغيوم لكن على العموم كفايانا احزان . بقلمى / محسن العربى شاعر الإبداع
ليست هناك تعليقات:
إرسال تعليق