بشوف الدمعه ف عيونك .بقلم المبدع // أحمد ابراهيم

بشوف الدمعه ف عيونك
بتملي بحور
أحس بضلمه جوايا
بتطفي النور
ياضي عيوني ليه تبكي
وليه بتداري اوجاعك
ومين خلي الخدود تشكي
ومين خانك ومين باعك
ومين يقدر
يشوف الرعشه في شفايفك
بتتنهد تهز قلوب
ومين يقدر
يشوف صورتك
ولا يفكر في لحظه يدوب
أنا عن نفسي مقدرشي
اشوف ف عنيكي دمعايا
ساعتها بلاقي انفاسي
بتخنق قلبي جوايا
ونفسي ارسم الفرحه علي خدك
بلون الورد
وانقش في السما ضحكه
وأفرد لك جناحي فرد
واسمك انقشه في قلبي
واتغطي بدفا حضنك
 في ليل البرد

أحمد ابراهيم