سلمولي عليها . بقلم المبدع// محمود مسعود

سلمولي عليها
ــــــــــــــــــــــــــــــــــــــ
سلمولي عليها
علي كل حبة رمل فيها
ع الجندي الواقف يحمي أراضيها
علي اللي بيبني ويعمر فيها
سلمولي عليها ................
يابلدي يام الضحكة السمرة
يام الغيطان الطيبة الخضرا
ياناسك الحرة الجدعة الصابرة
يا أيدينك علي الخلايق طاهرة
سلمولي عليها .......
أنت الميلاد أول العباد
أنت الجمال أنت الحضارة
أنت اللي قالوا أم العبارة
نقشت حروفك فوق الحجارة
علمتي الكون قبل مايكون
ايه هي معني كلمة حضارة
سلمولي عليها .........
بوسولي ايديها
وكل واحد فيها
بلاش أرجوك تقسي عليها
أسد في عرينه مرتاح
إن نام الأسد اسمه أسد
وإن لهث الكلب عمره ما يرتاح
يفضل في الدنيا أجرب سواح
ياخسارة اللي راح
سلمولي عليها ......
خليكوا تحت عنيها
وامسحوا عنها
أي جراح ...............
ـــــــــــــــــــــــــــــــــــــــــــــــــــــــــــــــــ
بقلمي / محمود مسعود ( عامي ) 17/1/20177م