ارض الاجداد . بقلم المبدع // محمد لمراحلي

____________ ارض الاجداد ____________
_
فينك يا زهرة
وفين اصحاب الذوق الرفيع
ذاب النشاط
واتقلع الربيع
داز الوقت اسريع
اذبالت الزهرة
واصبح الماضي محسوب على الريع
الصغير داير راسو فاهم
ما ايطيع
والمتوسط مزال حاسس براسو ارضيع
ولكبير اخدى كولشي بالشفيع
قالوا اصحاب الري
الى ابغيتي زهرة
ترجع خضرة
احني راسك وكون اسميع
ابقات فينا زهرة
وطبقنا الهضرة
واكلاونا هبرة
ومن ورانا كولشي داز اطبيع
الحلم ضاع
واكثر الصداع
هذا مع هذا
وهذاك مع هذاك
وزهرة مزال ما القات 
الفلاح لبديع
كل واحد همو غير الجميع
اجمعني نجمعلك
وزهرة باغيانا اجميع
واللي ف اخدمتو اشنيع
يعطينا التقار والتساع
ما ابغينا انجاورو اخديع
راه زهرتنا من النوع لوديع
اخبارها داع
ومزالة صابرة
خاصها التنويع
اما اسلوب التجويع
ما انفع 
معاه ترقيع
واللي ابغى زهرة 
ايحط معانا توقيع
محمد لمراحلي
فاس