بقلمي
ناجي الجويني الشاعر
*** دلوني ****
شوڨ الهوى غلّاب
و مالشوڨ ڨلبي ذاب
زايدتني وجيعة
دلّوني يا لحباب
***
محسبت روحي نعشڨ
و عشڨ البعد بلِيّة
دموعي نارو تحرڨ
تمنيت نكون تراب
****
تمنيتها ليا ترجع
ما ترحل ولا تودع
يا رب فينا إشفع
تعلّيت وڨلبي طاب
****
ڨابلتها على غرة
ناديتها يا حرة
ڨتلتني بأول نظرة
ضيعت كل صواب
****
وحدي نراجي و نستنى
وندور منّا و منّا
معاها آنا نتهنى
من غيرها راهو عذاب
****
منغيرها تزيد محوني
يا حبابي بالله دلوني
عيونها ڨتلوني
عطاها ربي الوهاب
ليست هناك تعليقات:
إرسال تعليق