لما الفقير
_____________________
لما الفقير يحتار
ما بين فساد وجراح
ويتوه ف ليل ونهار
يبقى مفيش إصلاح
_____________________
لما الفقير يتهان
علشان بينطق آه
يبقى معدش أمان
وملهش غير مولاه
_____________________
لما الفقير يتباع
ما بين لصوص قادرين
يصرخ من الأوجاع
لكن مفيش سامعين
_____________________
لما الفقير ينذل
علشان بيطلب حق
مش لاقي صدق وحل
يبقي الهلاك اهو دق
_____________________
لما الفقير يختفي
من خارطة التماسيح
واللص ما يكتفي
تلقى القلوب مجاريح
_____________________
لما الفقير يترعب
من وصل نور أو غاز
نفسه يا ناس ينسحب
من لعبة الألغاز
_____________________
لما الفقير بيشوف
كل اللصوص أغنيا
بس الشريف مكتوف
حالم يشوف أوليا
_____________________
لما الفقير بيموت
مع كل طلعة شمس
باليأس عمره بفوت
ممنوع عليه الهمس
_____________________
شعر / محمد الشرقاوي
_____________________
لما الفقير يحتار
ما بين فساد وجراح
ويتوه ف ليل ونهار
يبقى مفيش إصلاح
_____________________
لما الفقير يتهان
علشان بينطق آه
يبقى معدش أمان
وملهش غير مولاه
_____________________
لما الفقير يتباع
ما بين لصوص قادرين
يصرخ من الأوجاع
لكن مفيش سامعين
_____________________
لما الفقير ينذل
علشان بيطلب حق
مش لاقي صدق وحل
يبقي الهلاك اهو دق
_____________________
لما الفقير يختفي
من خارطة التماسيح
واللص ما يكتفي
تلقى القلوب مجاريح
_____________________
لما الفقير يترعب
من وصل نور أو غاز
نفسه يا ناس ينسحب
من لعبة الألغاز
_____________________
لما الفقير بيشوف
كل اللصوص أغنيا
بس الشريف مكتوف
حالم يشوف أوليا
_____________________
لما الفقير بيموت
مع كل طلعة شمس
باليأس عمره بفوت
ممنوع عليه الهمس
_____________________
شعر / محمد الشرقاوي
ليست هناك تعليقات:
إرسال تعليق