حط لنفسك شمعة فلتر ..بقلم المبدع // على حمدى ابوخوات

حط لنفسك شمعة فلتر ..
تزيل من عيشتك بني آدمين
لما هتسحب منك اكتر ..
استنى هتعرف يفضل مين
اول طبقة م الطبقات ..
حبة خلق م الصايعين
ويبقى معاهم صنف بنات ..
عكس الصنف المحترمين
ويبقى الصافي ف وسط حياتك ..
نسبة كبيرة ملتزمين
تفضفض تعشق من اقوالهم ..
تشوف افعالهم مختلفتين
الشمعة تصفي الفاضل منهم ..
يبقى الصافي ناس صاينين
إملا حياتك من امثالهم ..
من وقت ميلادك ليوم الدين

-شمعة فلتر
بقلم / على حمدى ابوخوات