شفافك عنب منها الخمر معصور. بقلم المبدع // محمود شبيب

شفافك عنب منها الخمر معصور
وخدود جوري يفوح منها عطور
وجبين منه النور بيلالي
منه البدر يا فاتنه مقهور
والشعر اسود عتم لليالي
كل ما الهوا بيهب عم بيثور
بجنينتك من اول وتالي
فل وحبق ياسمين مع منثور
وكل ما بيجي الرمان عا بالي
بوقف قباله هايم ومسحور
وعاج العنق هالابيض الغالي
بنحته وبلونه اّه شو مغرور
ومهما قلت ما بوصف الحاله
جوهر اللولو بالدمع ماْسور
والخصر غصن البان ميال-ي
كل ما يميل يغرد العصفور
صايم انا ايام وليالي
ولما الكرم يعزم على الفطور
للاكل من عنابك الحالي
بلاقي بوجهي واقف الناطور
ممنوع بحكي لي =الكرم محظور
==== محمود شبيب ====