اللهم اجعله خير.
حلمت بنسر ودبور
الدم غلي في نفوخي
وشوية وهيفور
خادوني من غير هدومي
بعد معلقوني وسلخوني
سألوني
أنت تبع مين ياض
مين بيمولك
و تنمتي لأي فصيل
ومين
الراس الكبيره اتكلم يانيله
الدم علي بئي
ياباشا أنا راجل هبوئي
مليش
في السياسة ومعرفش فيها
الدنياء عليها بقي وطيها
معرفتش رأسي من رجلي
سألوني تاني.
انت مع مين اخواني
ولا دعشاوي
ولا جبهة النصرة
ولا القاعدة ولا بوكوا حرام
اتكلم ياابن. تيييت.
سف الشريط وبلعت لساني
أنا مع مين
أنا معاكي انتي
ياجميلة في مرايتي
يابلدي ياست الكل
ياحره نهارك فل
سككين فأيد الكل
عايزين يقطعوكي
ياغالية ويخدوكي
خايف عليكي
من ذقون وهميه
يضحكو علينا
ويطلعو حرامية
خايف عليك ياابني
من حاكم النفوس خائن
بيبيع ارضه بالفلوس
بيقتل شعبه زي النموس
ميهمه العرض ولا الأرض
علي جبينه مكتوب
فاشل موكوس
ده مش حلم ده كبوس
ثورة دي ولا فوضى
كلام بفكر فيه محبوش
الله اكبر يامعتدي
ياغاصب مرتدي
ثوب الحمل وليك انياب
الثورة علي الباب
سطقتلع كل الذائب
والقادم اره ضباب
خير اللهم اجعله خير
يارب
احمينا وطهرنا من الفساد
وانصرنا علي ظالم العباد.
احمد عبدالله احمد
احمد ابو....
ليست هناك تعليقات:
إرسال تعليق