قصة وداع
#بقلم حمدى نورالدين جادالكريم
كانت حبيبته كانت حياته
كانت بدايته ونهياته
كانت العمر إلى فاته
ونور عيونه وحكياته
كانت حبيبته
عاش فى الخيال
معاها عمره الى اتى
ووهبها قلبه خلاها حبه
ونبض قلبه بأسمها ينده ليلاتى
يقول حبيبتى يقول حياتى
يقول ياعمرى وامنياتى
ياكل اتى
بدموعه يبكى ولقلبه يشكى
والقلب باكى آهات ونار
وعذاب وويل
أحزانه سيل
جارف وعاتى
كانت حبيبته ماضى ومات
وحزن عايش على الفتات
يتعب قلوب
يرهق مشاعر
وإحساس بيموت كده من سكات
قصة وداع
وحلم ضاع من بين أيدينا
وذكرياتنا دروس خداع
وبقينا تايهين ومصيرنا محتوم بالضياع
زى مركب من غير شراع
فى بحر أمواجه عاليه
وطبعة قاسى
مفيش مكان فيه للضعيف
ازاى هتوصل للأمان
فين المراسى..
#حمدى_نورالدين
ليست هناك تعليقات:
إرسال تعليق