الأحد، 15 أكتوبر 2017

(153) وفين السعادة . بقلم المبدع // محمد الشرقاوى

(153) 
وفين السعادة 
______________
وفين السعادة 
وإمتى تبان 
وحكم السيادة 
نتوه في الزمان 
نبيع المشاعر 
نحب المظاهر 
نشوف اللي ساهر 
بدمع الهوان
وقصة حياتى 
بتسكن معايا
بتحصل يوماتى 
بشوفها فى مرايا 
وبضحك عشانهم 
واجارى كلامهم 
واصاحب زمانهم
وماشية الحكاية
ولكن فى قلبى 
ألم مستخبى 
وعالم بحالى 
وشكوايا ربى 
ولو صمتى طال 
وزود جراحى 
هعدى المحال 
وهفرد جناحى
وهسأل كتير 
واسافر واطير
ولازم هلاقى 
وطن للسعادة 
ولو جوا خيمة 
ومن غير وسادة 
هتفضل فى عينى 
بلاد السعادة 
____________
شعر /محمد الشرقاوى
مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)