عهد الشرنقة
أرجوك يا عهد الشرنقة
ارجع بقى
كنا بنقفل ع القلوب
مهما تكون متشوقه
ارجع بقى
ولا حد كان بيلوم علينا
في الهوى
ولا حد غار
ولا حد حوّد م المسار
ولا حد قال
ان احنا دون المستوى
ولا حد بالنار اتكوى
ولا دمعه في ساعة وداع
ولا دمعه في ساعة لُقا
ارجع بقى
وارحم قلوبنا م الوجع
قلب البنيه والجدع
الكل بالحب اتخدع
فاكرها دنيا مذوّقه
ارجع بقى
مستر عادل أبو زيد
ليست هناك تعليقات:
إرسال تعليق