أغنية (تعالي)بقلم المبدع // حربي علي

أغنية
(تعالي)
تعالي رايحة فين؟ تعالي
بلاش تزيدي . هم الليالي 
عشانك حضن الليل عريس
في عز الليل يوم الخميس
رخصت . كل غالي ونفيس
وإنت ليه . تااااعبه حالي؟
أقول تعالي تهزي الإيدين
أطلع أعالي تذلي عين
مش مخاصمك . ع العموم
بقول أصالحك أعدي يوم
تعليي جرحك أنزف هموم
وقلبي يبكي ع اللي جرالي
تعالي رايحة فين؟ تعالي
فينك إنت؟ من أيام زمان
أيام ماكناا غصب بان
وليالي خضرة مليانة صوت
عشناها مرة عند السكوت
تعالي . لا السكوت يموت
ويعدي ذكرى . سبتيهالي
تعالي رايحة فين؟ تعالي
بلاش تزيدي . هم الليالي
تعالي
كلمات 
حربي علي
شاعرالسويس