أحلام وضايعه منا . بقلم المبدع // نور الهدايه

أحلام وضايعه منا في زحمة السنين
لاعامله حساب وجعنا
ولا نزف
ولا انين
تاهت وتهنا فيها 
راحت ودوبنا بيها
،،شوق ويا حنين
ننسى قساها ساعات
ونسامح نفسنا
نغمض عنينا 
ونصدق حلمنا
نعيش وياه و نصفى
وكأننا بنعيش في دنيا لوحدنا
ويمر الحلم بينا
يخدعنا كذبنا
نغزل منه حكايات
يادوووووب
علي قدنا
وبلون البحر توب
يجمل عمرنا
نسمع وشوشاته
يحكي ويقولنا
وسحابه طايره فوقنا
تظلل شمسنا
وف عز الحلم نصحى
نلاقي البحر 
ثار
والموج بقى اعصار
غرقنا ف حلمنا
حتى السحابه دابت
اتسرسبت مطر
فيه حته مننا
همسات قلم نور الهدايه