الخميس، 3 أغسطس 2017

انتي فرصه سعيده جدآ . بقلم المبدع // عزام احمد

انتي فرصه سعيده جدآ
جت ف وقت الأحتضار
جت وشغلت فكري بيها
والفرص مش با ختيار
ولا عمرها بتعرف هزار ..!
الفرصه جد ... وحد ساكن
جوه منك ليل نهار
حد شبهك ف المعاني
وف الملامح والقرار
حد كان نفسك تشوفه
بعد طول الأنتظار
بعد توها
بعد حيره
بعد خوف
وحاجات كتيره ...
تحت بند الإعتذار
تحت بند الإنكسار
انتي فرصه بجد حلوه
زي جنه ف وسط نار
بحرك المالح فتني
غصب عني مش قرار
قربي منك م البدايه
كان هزيمه مش انتصار
مش ببالغ بس جايز
ابقي آخر فرصه ليكي
تلحقك م الأنهيار
فرصه تايهه بتناديكي
وانتي ف إيديكي القرار
#إنتي_فرصه_بجد_حلوه
#فرصه_عاشقه_الإنتحار
بقلمي/
عزام احمد
#Azzam
مرسلة بواسطة في

ليست هناك تعليقات:

إرسال تعليق

الاشتراك في: تعليقات الرسالة (Atom)