أقتلني بالبطئ . بقلم المبدع // أندرو فرج

أقتلني بالبطئ

أقتلني يا بوسريع بالبطئ
هتجبلي جلطه ع السريع

ياخوفي منك يا بو سريع
بعمايلك الغلبان بيضيع

يا خوفي منك يا نور عنيا
هتبيع الغلبان حتي الجلبيه

الحمد لله ماعنديش إلا رجليا
لا عندي موتوسيكل ولا عربيه

يغلا البنزين حاجه عاديه
يزيد النص مش قضيه

أهم حاجه يابوسريع مايغلاش علي
أسيادنا أصحاب الطبقة العلويه

بنزين غاز يغلي خمسين في الميه
مش قضيه مش قضيه مش قضيه

وعلي أسيادنا خمسة في الميه
برده مش قضيه مش قضيه

فيها لما نرجع للقواليح ولا الجله
يعني هي دي عندكم بقت عله

في أجمل من أكل الجله
ما ياما
شربتوا سجاير من غير فله

ولا تغلا الكهربا ولا المايه
ارجعوا للمبه الجاز مش مغريه

بس نجيب لكم منين كيروسين
بس علشان تعرفوا أننا حنينين

هنعملكم بأيدينا التراب عجين
وهنحط علي روسكم الطين

وأفرحوا خلينا للفرد خمسين
مش قوي كده غلينا التموين

نسيتوا أنكم نور العينين
بنمتعكم حتي بالمشي
علي الرجلين

أزرع يا فلاح القيراطين
ولا سيبهم وخد ولادك
وأشتغلوا بوابين
وسيبك من الملاليم
هتعيش وتبقي لأسيادك
من الخدامين

يا خوفي منك يا نور عنينا
هتبيعني العيال والجلابيه

كان مالها عيشة العزوبيه
لاعيال لا هم ولا مسئوليه

يا خوفي من حكومة أبو سريع
هتخلينا نعرض عيالنا للبيع

تعظيم سلام لأبو سريع وحكومته
ربنا يحميه ويكتب لنا سلامته

كلمات إندرو فرج
30/6/2017