بلاش تعاديه ..بقلم المبدع // محمود مسعود

بلاش تعاديه ......!!!
ـــــــــــــــــــــــــــــــــــــــــــــــــــ
أنا م البلد دي بلد الطيبين
والمآذن المتجمعة من آلاف السنين
والجار اللي بيسأل علي جاره
والمناسبة اللي تضمنا احنا الاتنين
طول عمرنا إيد واحدة
مافرقتنا إيد غادره
وبنصبر والصبر شيمتنا
ع الأذي ودا سر قوتنا
بثوا السموم في وحدتنا
انهاروا من سر عزيمتنا
احنا الإيمان قدوتنا
وللأديان تظهر محبتنا
شعب وسط الشعوب مالوش مثيل
مهما بات جعان معدنه أكبر دليل
يفرزوه بين الشعوب يظهر أصيل
حاروا العلماء من أصله في وصفه
النظريات رغم التأويل وقفت عنده
لا يوم انهاررغم الأعذار ياحلاوة عزمه
عاوز الإيمان تلاقيه والجدعنة منه فيه
تكسبه بالمحادية تخسره لو تقسي عليه
وبلد عظيمة جذورها عميقة بالحب تحتويه
ينصر أخوه وابن عمه لو اتزنق تلاقيه
شمر سواعده وراح لعنده بالحب يفديه
دي بلادنا ياعالم افهموا وبلاش تعاديه
ـــــــــــــــــــــــــــــــــــــــــــــــــــــــــــــــــــــــــ
بقلمي / محمود مسعود ( عامية ) 28/5/2017م