الكاتب فى قصيدته:-{ المجد للشهيد }...يودع شهداء واحة الفرافرة
العقيد/ خالد عطية الشيخ - ابن قرية بشلا - ميت غمر - دقهلية.
والمقدم / مراد فتحى - ابن مدينة المنصورة - دقهلية.
الذين اغتالتهم يد الغدراثناء مطاردتهم للعناصر الارهابية مع اخرين
بواحة الفرافرة - بمحافظة الوادى الجديد....دفاعا عن ارض الوطن
فتحية لكل شهداء الوطن ....ووداعا لاصدقاء العمر.
جيت يا ابن بطنى...........................بالعلم ملفوف.
بطل ما موتش من الساقعة..................ولا كمان م الخوف.
ولا من رصاص يهودى.....................عدو لينا من زمان معروف.
ولا من طلقة طايشة.........................من صياد كان ملهوف.
الغدر جه من اخوانك........................اللى مافيش منهم خوف.
زرعوا فى طريق قنبلة......................فى الليل عشان ماتشوف.
وزينوا الطريق لوحدتك......................بالطبلة ويا دفوف.
وعروستك قاعدة فى الدشم...................مش باين عليها الخوف.
مستنية تشوف ضحكتك......................لما الوش يكون مكشوف.
وتخش ما تقلع جزمتك.......................وبدلتك على جسمك حتى ولو جالها ضيوف.
صاحية و مشمرة الايدين.....................وتدمع العين لو خيالك عليها يطوف.
صاينة عرضك ومالك........................وترد عقلك لو الظن كان مخلوف.
وترد عنك الكلام...............................لو كان فعلك من التاريخ محذوف.
وشايفة وراك هرم..............................يصد عنك ما يعرفش ظروف.
رجعت يا ابن بطنى............................وشبابك انكتب فى القلوب بحروف.
وفى يوم شهادتك كان فى زفافك كوكبة.......تحضرجنازتك وعلى الجبانة ضيوف.
سطرت فى حياتك ملحمة......................ومجد فى مماتك لما رجعت بالعلم ملفوف.
**************************************************
الكاتب /محسن أبو حمود
الجمعة
02/06/2017
ليست هناك تعليقات:
إرسال تعليق